موضوعي عن التلفونات بالكام

[غرور الصمت]

ممم انا قبل لا آسير الجآمعه يسوولي تفتيش خخخخ

اول شي وين تلفونج بوكآم ووين كآاامج واعطيهم مفتاااح غرفتي @@ >> الامانآت هع

اكثر شي كنت التزم بس احيانا لا لني كنت اتمنآ الكاااام فهاللحظه تكون فايدي مابآ افوت اي لقطه كـ ذكرى ^^

حتى لو الاهل منعوني كآن عندي mp4 فيه كام ,, فونآت اربيعآتي وعآدي اشتري فون يديد اوردر او اشتري من كفتيريآ مخج ف وحده تبيع هناك هع ,, وااايد سسهله والله لو كنت ابآ الشي

وبعدين ,,

عآدي يعني كنت آشرد كآمي العزيز وفوني ويآاي والامور طيييبه خخخ

مآشي واسطات فالموضوع للي تقول المشرفآت ويآ ناس وناس لااا

والله آبد مب مقصرآت مشرفاتنآ ويآ الكل حتى لو شآفونا عدنآ كاام يعطونآ فررصه او يسوون عمآرهم ما شآفوا خخخ وكل وحده ونيتهآ ^^

[غرور الصمت]

اقتباس المشاركة الأصلية كتبت بواسطة ميرة اسمحولي عالرجعة بس في ردود نرفزتني شوي بخصوص التظلم عالمدامات : انا من يوم دشيت الجامعة ما شفت اي مدام وايد ويا بنت الا اذا البنية كانت RA و لا كانت تسولف ويا المدام وايد ...احسكم ظلمتوهم وايد هنيه مداماتنا ما شا الله عليهم يشتغلون و يسهرون ع راحتنا انا اذكر ضيعت مفتاح حجرتي 5 الفجر و كان عندي كلاس الساعة 8 ..سرت لمدام من المدامات ف حجرتها و الصراحة ما قصرت عطتني مفتاحها و قالت لي ارجعه ( خربت عليها رقادها ) ف ما احس هالهجوم عالمدامات و اتهامهم انهم ( عديمي الفايدة + يفرقون فالمعاملة + الواسطة ..الخ) ينفع انا برمس عن نفسي الصراحة ما شفت اي شي من هالقبيل و لا ربيعاتي قالولي شي جي محد قال و الله ( مدامة فلان متساهلة ويا فلانة عشان هي بنت الوزير ) المدامات بالعكس وايد متساهلات ويا البنات ككل و ها لمصلحتكم الكل يغلط نحن مب ملائكة مب معصومين من الغلط نحتاج فرصة 2 و المدامات ما يقصرون حتى لو انا غلطت يقولولي المرة الياية سوي جي جي جي و خلاص بعدين ما اتوقع اي بنت عمرها 20 سنة و لا 19 سنة ما تستحي ع دمها يوم تشوفها المدام و هي مسوي شي غلط ( ان شا الله فون بكام و لا كت و لا الخ الخ ) صح كلآااامج عزيزتي ميره عن المدآمات تهجمكم عليهم ما عجبني صراحة ظلمتوهم محد يحس بالتعب الا يوم تجربون تكونون مكانهم ...و الايام صعب تحصلون واحد و لا وحدة يشكرون ---- بالنسبة للفون بو كام ..كم مرة صارت قضية ان بنية صورت بنية و نشرت صورها و الخ الخ ؟؟!! خلنا نكون واقعيين ,, نحن سمعنا وايد يوم كان قرار الحظر ( بشكل مكثف و صارم ) بس الحين عادي انا عن نفسي ما شفت لا بنات يصورون بنات و لا هم يحزنون بعدين 80% من بنات الجامعة عندهم iphone و لا BB هذول كلهم يبون يصورون بنات الخلق ليش؟ شو الحكمة يعني شي ما يدش الراس لو انا عندي فون بو كام ما بسير اراكض الشارع و اصور البنات .. شو ابا فيهم؟! البنات فالعادة يصورون الفيران اللي فالسكن اليديد و لا يصورون عمارهم و لا الفعاليات بس ( من ملاحظتي الشخصية و هيه شفنا فيران فالسكن اليديد ) ....فيران = جمع كلمة فأر هع اعلمكم عربي ههههههههههههههههههههههههه نحن نسويلهم جلسه تصويريه للفيرآن حشرآت والفعآليآت بالدس وانا والله كان خااطري آصور فطر فالسكن آليديد نحن عايشين ف زمن غير الحين و الفونات ما شا الله كلهم ب كام و اللابات كلهم بكامات الحين ,, انتوا عيل لو تبون تخافون خافوا من الهنود اللي 24 ساعة فالسكن ما حطيتوا فبالكم يوم من الايام ان هندي بيصورج؟؟ لأن فونه ب كام؟ ما عليه و العاملات فالجمعية ؟ و اللي فالعيادة ؟ و لا اللي ف مبنى 80 ؟ و الايتي؟ يعني كيف تضمنون هذول فوق خواتكم المواطنات و لا الوافدات ( العرب و المسلمات ) ؟؟!! كلام ما يدش العقل صراحة و ما اشوف البنات ميتات يراكضون ورا البنات عشان يصورونهم,, شو بيسوون بالصور بعددين ؟ فوتوشوب؟ نشر؟ ليش لآ .!* مآتعرفين شو نيه كل وحده وشو فداخلهآ .!* انتقآام ..غيره..تشويه سمعه ..ألخ هاي خرابيط اولاد نشوفها فالمسلسلات مب فالواقع و لا فالجامعة ههههههههههههه عآدي كله وآحد خرابيط اولاد ولا بنات وشي فالواقع والجآمعه بعد البنت اذا كرهت بنت فالعادة ما تفكر تنتقم تفكر تحقر البنت ....و ما اتوقع اي بنت تبا تنشر صور ربيعاتها لأن الكل يؤمن بمبدأ كما تدين تدان بعدين حركة قوية و ما اتوقع في وحدة تفكر فيها هالايام.. يمكن برع جامعتنا بس ف جامعتنا مستحيل محد مشوه سمعة الجامعة غيركم و اسمحولي عهالتعليق ..ليش؟ لأن ما صار شي و انتوا يا تشتكون يا تتحرطمون يا تتذمرون يا تطلعون افتراضات غلط يا ما ادري شو صراحة الجامعة مب مقصرة ويانا من اي ناحية سيروا سافروا بلاد عربية 2 و شوفوا اذا جامعاتهم شرات جامعتنا مثل ما قلت قبل نادر ما تحصلون حد يشكر ربه عالنعمة ... بعدين نصيحة للكل .. لا ترمسون عن الجماعة كل واحد يرمس عن نفسه و اللي شافه بعيونه بس ترا زيادة الرمسة مب زينة السموحة طولت عليكم بس ها رايي الشخصي

السمووحه ع المدآخله

[شَغَفْ~]

الكل يملك موبايلات بالكام ، وعلى العلن والمشرفات ساكتات

أظن القانون انلغى !

لأنه الكل عنده

وفئة قليلة الي ماعندها

حتى بنات السكن يقولن عندنا 2 يوم ايون يفتشون نطلع الي بدون ومن ساروا طلعنا الثاني الي بالكام !

تصرفات البنات طايشة ولازم يوضعولها حد

الرسبشن بروحه مترووس !

[المعذبة]

أنا أقولج في مرة وحده من ربايعية كان عندها فون كام شو سوتلها المشرفة قالت لها يالله تعالي واياه الاداراة وقب راحت تشان يفصلونها وهي يحليها طالبة مستجده وكانت هذي أوول سنة حقه تمت شهرين دور بين الموظفين هناك يفتشون فونها إذا يونها مصوره حد من بنات الجامعة وو هي لا صورت ولا شي عسب يردونها وما شي فايده الحين هي تدرس في جامعة خاصة ولا مش بس تشي إزيدكم من الشعر بيت الحين حتى البنات إلي يدربن عندهن تراهن يخبرن ونصن يدرس في الأوقرو وبعدين المشرفات عاد الأحين معروفات وإذا على الواسطة فترى اللحين نص بنات الجامعة عندهن واسطة أنا مرة زخونية بس قالتليه المشرفة والله لو حد غيره تشان فصلج من الجامعة خشي فونج ولا طلعينه والله كانت طيبة وياه .....

[فرصاده]

ليش هالقانون بعده حي خخخخ !!!
من يوم دشيت الجامعة وتلفوناتي كلها بوكاميرا
وحتى لابي فيه
صح انه له لزقه بس مب مسويتنها عشان عيون الجامعه
هم تقريبا راضيين عن التلفونات والدليل السكوت عن بنات السكن اليديد
بس مايبون يطلعون شي رسمي
عشان ما تستوي ضجة من الاهالي والطالبات
شرات سالفة التصريح للكاميرا ايام ما كنت مستجده

[جامعيه 89]

اشكرج اختــــــــــي هالموووضوع

الصراحه معظم البنات عندهن موبايلات بو كاااام والمداامااات السكــــــــن يعرفوون هالشــــــي
وبس انا اشووف انه عادي فون بوكام اهم شي انه اذا البنت صورت حد من البنات اهنييييه المفرووض تتحااسب
والصراحه لو كل وحده فكرت ف نفسها مابتـــــضر غيرها

[خيـمآويـه 92]

هيهيهيهي فريتو مخيي

احينه شوه ناخذ لي بكـآم ولا كيـف؟

واللابات؟

ياهي بلشهـ!!!!!!!!!!
-.-"

[yuya]

أنا من راايي إنكم ماتيبون وياكم موبايلات بو كام حق شو تصدعون رااسكم !!!
وتتكتبوون تعهد وإنذارات وصدعة رااس

وهذا قانون مفروض يطبق عالكل ومحد يقول شومعنى هالبنت عندها وأنا ماعندي ؟
كييفها هي اللي في النهاية بتحصل انذار واذا مازخوها الحين بيزخونها عقب

وعن نفسي ماشاء الله علي
لابـــي مبطلة عنه الكام وتيلفوني E51 من أول سنة احم احم << اللي يسمع ثالث سنة مب جنج فأول سنة

ومتأكدة في بنات شاطريين مثلي


ياحليلها أمي اتقولي لاتشتريت تيلفون بوكام عن يفصلونج ولايسوون فيج شي
ماشافت هالبناات اللي قابضات هالبي بي والآي فون وياكيمرااتهن << ومراات يوم أشووف ربيعاتي عندهم أقوول فخاطري ليش أهلهم مايشووفونهم ويمنعونهم ؟!

وأخيرا لازم نتقيد بالقانون مهما يكوون ==> بدت في التفلسييف




والسمووحه =]

[جوهرة الإبداع]

.

موضوع الهواتف المزودة بالكاميرات ، أصبح منتــشر في الجامعة
وقد أهمــل في الفتــرة الأخيرة من قبل المشرفــات والإدارة مما جعـل
الكثـــير من الطالبات التهاون ، وإحضاره للجامعة ..

وكيــف لهم أن يمنعوها من الطــالبات
وهم يملكونه ويظهرونه أمامهم


القـــرار إذا طبق ، يطبق على الجميع ، من طالبات ومشرفات
ولا يقتصر على فئة معية ، غنية أم فقيرة ! إماراتية أو وافدة !
مشــرفة أم طالبة ! في السكــن يجب أن يعامل الجميع معاملة واحدة


وإن كانت هناك فئــة مسموح لها باستخدام الهاتف المزود بالكاميرا
أيــضا يجب أن تكون مميزة في سكنها ، وإبعادها عن عامة الطالبات ، وتسكينها
في مكـــان خاص .. لتكفينا من شرها ..



وشكــرا لصاحبة الموضوع

[cat woman]

انا صراحة ما اعرف شو الهدف ورا هالقرار السخيف
يعني البنت لو تبا تصور و تسوي شي غلط والله بتسويه حتى لو كان ممنوع
انا صراحة اتمنى يتغير هالقرار

[خيـمآويـه 92]

اقتباس المشاركة الأصلية كتبت بواسطة جوهرة الإبداع . وإن كانت هناك فئــة مسموح لها باستخدام الهاتف المزود بالكاميرا أيــضا يجب أن تكون مميزة في سكنها ، وإبعادها عن عامة الطالبات ، وتسكينها في مكـــان خاص .. لتكفينا من شرها ..

يب جي يبالهم

[tweety heart]

لو يلغون هالقآنون أحسن

فهالزمن نآدر ما تحصلين فون بدون كاميرآ


بس في نآس بدون ضمير