كم سنة دراسة طب الاسنان..؟

[منو أنا ؟!]

السلام عليكم


شحالكم؟ شخباركم؟


بس بغيت اسأل عن طب الاسنان كم سنة الدراسة..؟


سؤال ثاني

بغيت اعرف شو الفرق بين:

1- البكالوريوس
2- الماجستير
3- الدبلوم
4- الدبلوم العالي

يعني شو الاعلى مرتبة و شو الاقل ..؟


شكراً مقدماً

=)

[Choco_Matrix]

مرحبا أختي =)
بالنسبة لطب الأسنان فدراسته في جامعة الشارجة = 6 سنوات ^^
و يوجد التخصص في كلية الخليج الطبية وأعتقد انه مدة الدراسة 6 سنوات أيضا حسب موقعهم ....

...

بالنسبة للشهادات العلمية .. فهذا ترتيبها من الأقل إلى الأعلى ..
1. الدبلوم
2. الدبلوم العالي
3. البكالوريوس
4. الماجستير
5. الدكتوراه

... أتمنى أكون أفدتج =)

[منو أنا ؟!]

مشكوووووورة تسلمين و ما قصرتي

بس بغيت اعرف اذا عقب الـ 6 سنوات بتخصص فـ تقويم الاسنان

كم يباله هالتخصص..؟


=)

[دكتورة المستقبل]

و عليكم السلام و رحمة الله و بركاته

اختي في جامعة عجمان تخصص طب الاسنان فيه يكون فخمس سنوات ..

و عقب ما تتخرجين .. بتكونين دكتورة اسنان .. بس لو تبين تتخصصين بالتقويم .. بتدرسين زيادة ..

نفس الطب .. اول شي طب عام و عقب يي التخصص ..

السموحة ما عندي فكرة عن سنوات هالتخصص

بالتوفيق

[منو أنا ؟!]

مشكورة دكتورة المستقبل ما قصرتي

بعد يغيت اسأل اذا يستوي ادرس فالصيف عسب اخلص اسرع


علماً بأني ناويه ادش جامعة الشارجه

=)

[دكتورة المستقبل]

ما اظن اختي .. لانه نظام الطب يكون بالسنوات .. بس المتطلبات يستوي تاخذينها في الصيف ..
سوالف الكيميا و الاحياء و غيرها ..
عنا نحن فجامعة الامارات .. بس الاوغرو تاخذينه .. و عقب تبدين الدراسة .. و بالسنوات .. مب بالكورسات ..
و اللي تاخذ صيفي فينا تاخذه يا تدريب في المستشفى .. يا research او الاثنين ويا بعض ..

بالتوفيق