|
|
|
|
|
|
|
التواصل الطلابي |
فِِكّــرُ شآبْⓐ |
الأيهم |
 |
|
|
|||||||
| قسم كلية العلوم الإنسانية والاجتماعية لـ المواضيع والحوارات الاكاديمية الخاصة بطلبة كلية العلوم الإنسانية والاجتماعية |
 |
|
|
أدوات الموضوع | انواع عرض الموضوع |
|
لغوي .. وعليكم السلام ورحمة الله وبركاته .. العفو .. وخذ راحتك بالاستفسار... بالنسبة للسؤال 1 : والله أنت في وضع "مجبرا أخاك لا بطل" .. يعني ما عندك حل غير إنك تمتحن السيبا بجامعة زايد وتشوف النتيجة إذا أنقبلت فخير وبركة ... حتى لو ما تخصصت لغويات ... تقدر تاخذ أي تخصص قريب من تخصص اللغويات ... واللي أعرفه انه الماجستير والدكتوراه تقدر تاخذ تخصص غير تخصصك بالبكالوريوس.. يعني عندك فرصة مستقبلية إن شاء الله إنك تحقق طموحك .. . . . وإذا لا قدر الله ما قبلوك .. فعسى في الأمر خيره... عيد الثانوية منازل "مبين عليك ما شاء الله شاطر وما يحتاج ترتبط بدوام دراسي يومي عشان تدرس".. <<< بس إذا شفت انك محتاج دوام يومي خذ مسائي .. . . السؤال 2 : بالنسبة للماجستير والدكتوراه .. مثل ما ذكرت من قبل ... تقدر تكمل بالتخصص اللي تريده .. بس لا تنسى تشد حيلك في البكالوريوس عشان يكون معدلك مرتفع وتقدر تكمل الدراسة بمنحه سواء من الجامعة نفسها أو من أي جهة أخرى... . . . أما الغويات العامة أو التطبيقية ... فشوف الخطة الدراسية ومن خلال عناوين المساقات بتعرف شو الأنسب لك... بالنسبة لخطة اللغويات التطبيقية فهي موجودة عندك في الموضوع الأساسي نفسه ... وخطة اللغويات العامة .. لو كانت عندي كنت بسوي لها سكان وبحط لك إياها... بس إن شاء الله هالروابط بتساعدك أكثر.. اللغويات التطبيقية .. http://www.fhss.uaeu.ac.ae/Humanities/Linguistics/About.html اللغويات العامة .. http://www.fhss.uaeu.ac.ae/Humanities/Linguistics/About/Page-2.html وعلى يسارك فيه .. Goals Courses Course Descriptions أضغط عليهن وأقرى لين تحس أنك عرفت وفهمت كل قسم ... وبتعرف شو اللي بخاطرك والأنسب لك ... بس أحس اللغويات العامة أفضل لك... خصوصا أنك مو ناوي تكون معلم... ومساقاتهم مركزة على اللغويات أكثر... لان اللغويات التطبيقية تركيزها على التدريس أكثر.. وكيف ممكن أدرس اللغة الثانية لغير الناطقين بها .. . . السؤال 3 : بالنسبة للطلاب الذكور..فما أعتقد انه عندهم هالتخصص... لأن طلاب الجامعة اقل من الطالبات بوااايد + أقبالهم على تخصص اللغويات ضعيف جدا... واللي أعرفه إن إذا الطلاب يبون يفتحون تخصص محد كان فيه .. لازم عدد معين من الطلاب يطلبون هالتخصص .. عشان يفتحون لهم شعب عندهم لهالتخصص ... يعني ممكن تعيد الثانوية ..وأدش جامعة الإمارات وبعدها يقولون لك ما نقدر نفتح لك التخصص لانه محد فيه غيرك ..!! <<<< ما تعرف وين الخيرة فيه .. وعشان تتأكد أسأل الأخ "محمد الأميري" إذا كان هالتخصص مفتوح عندهم ولا لأ .. وكم عدد الطلاب المطلوب عشان يفتحون التخصص..؟!! . . السؤال 4 : طبعا فيه .. وأسمها التطبيقات المحورية ... تقدر تشوف خططها ومعلومات عنها في موضوع ثاني لي .. على هالرابط .. تقدر تتخصص لغويات عامة.. والتخصص الفرعي أو التطبيقات المحورية لغويات تطبيقية .. <<<< هذا بجامعة الإمارات .. ما عندي فكرة عن جامعة زايد .. . . . . والحقيقة أسعدني طموحك جدا .. لا تنسى تتوكل وتسلم أمرك لله .. ورح يفتحها عليك من كل صوب بإذن الله تعالى ... وعقبال ما نشوفك عالم لسانيات .. . . . وطمنا بعدين إذا قبلوك في جامعة زايد ...؟!! . . . |
|
|
|
|
|
طالب مستجد
|
تسلمون ع الموضوع بصراااحة انا تخصصي تيسول والكورس الياي ان شاء الله ببدا بمساقات التخصص استفدت وااايد ان شاء الله بكون على تواصل وياااكم ف المنتدى |
|
طالب مستجد
|
مشكوره اختي ما قصرتي و راح ابلغكم بالنتايج اكيد ..
|
|
عذبة ..
لغوي .. العفوو.. وحياكم الله أي وقت .. بنت الغالي .. نتريا مشاركاتج .. وحياج الله .. والمنتدى منتداج ^^ .. |
|
|
|
|
|
هذا موضوع واااايد مفيد ... للعضوة Hearts Blo0od ...
كله روابط مفيدة للغة الإنجليزية ... واللغويات بشكل عام وخاص .. الرابط: http://multqa.ae/forum/showthread.php?t=62905 . . ^^ |
|
|
|
|
|
طالب نشيط
|
السلام عليكم ورحمه الله وبركاته..
هلا أختي Hell No.. صرحه أستفدت من موضوعج بشكل كبير.. وتوني عرفت السالفة.. عندي كم سؤال.. وإن شاءالله مانثقل عليج.., 1- مالفرق بين التخصصين اللغويات العامة والتيسول..؟ 2- من ناحية التدريب.. وين يكون تدريب التخصصين.. وهل يكونون نفس مجال التدريب ولا..؟ 3- بإعتقادج التيسول من ناحية الإفادة باللغة أفضل عن تخصص الترجمة..! 4- هل المقابلة من شروط القبول في تخصص التيسول؟ شكراً مقدماً |
|
طالب متميز
|
السلام عليكم ورحمة الله وبركاته ..
الله اخييرا حد فتح موضوع نفسنا .. اذكر كان في موضوع للجغرافيا بس اندفن هع المهم .. حبيت اشارك وياكم ..
انا خذت عند د.ايفان مداخل الكليه لغات واتصال .. كانت د.منى تعطينا .. واظن ربت او مادري ليش خلتنا ويا هو بدالها .. الدكتور ها احسه ممتع بششكل !!!! يعني كلااسه كله ضحك وسوالف .. كان وقت كلااسنا مايساعد ابببد 3ونص .. والكل مسطل .. يوم مايلقا تجاوب من البنات يقوم يمثل .. اذكر مره يابلنا بنت من برا الكلااس كانت ماره .. والبنت دشت مستحيه ماتعرف شسالفه !! بس كان يضرب مثال عليها !! يعني فعلا فعلا دكتور وااااايد اووك .. بروجكتاته سهله .. وكوزااته اسسهل والفاينل والمدتيرم اسهل بوايد .. يحدد كل شي .. وكيف الاسئله ويحددلكم المقالي وكل شي .. انصحكم اللي يقدر ياخذ عنده .. لاايفوته .. والسموحه ع الاطاله =) |
|||||||||||||||||||
|
|
||||||||||||||||||||
|
وعليكم السلام ورحمة الله وبركاته أختي swan ... حياج الله وخذي راحتج بالأسئلة... السؤال الأول: تقدرين تشوفين ردي على الأخ "لغوي"... وحاطه بعد روابط من موقع الجامعة ممكن تفيدج.. يعني نبذه عن كل تخصص.. وشو المساقات ..ومن خلال المساقات بتعرفين شو الفرق بينهم... لكن بشكل مبسط... اللغويات التطبيقية : تركز على التدريس..يعني كيف تعلمين اللغة الإنجليزية لغير المتحدثين بها... والتخصص ممتع وايد إذا كنتي حابته... يعني ما فيه حفظ وحشو وايد.. فيـــــه حفظ بس بشكل معقول.. خصوصا إذا خذتي المساقات عند دكاترة معينين..مثل "د.تومي"..هذا أبدا ما يطالبج تحفظين أي شي ...بس أفهمي وطبقي... اللغويات العامة: فيه واايد مساقات مشتركة بين اللغويات التطبيقية والعامة .. لكن اللغويات العامة..يتعمقون في اللغة أكثر.. يعني مثلا فيه مساق عندنا اسمه "النحو..بالانجلش syntax .." التطبيقية والعامة ياخذونه ... وبعد اختياري في التطبيقة..لكن في العامة إجباري.. واللغويات العامة بعد ياخذون بعد مساق ثاني اسمه intermediate syntax يعني نفس المساق بس بشكل متعمق أكثر.... بس التطبيقية ما ياخذونه أبدا... فهمتي...!! يعني التطبيقية يعلمونج الأساسيات وبعدين يبدون يعلمونج كيف تعلمينها... بس العامة يعلمونج الأساسيات بعدين يتعمقون أكثر .. السؤال الثاني: التدريب مختلف بين التطبيقية والعامة... اللغويات التطبيقية مثل ما قلت قبل.. " تدريس "... يني تدريبنا في المدارس... اللغويات العامة: تدريبهم والله أعلم في أماكن مختلفة..بس اللي سمعته انه في المستشفيات ... السؤال الثالث: بالنسبة للغة ... أتوقع الترجمة أفضل من اللغويات التطبيقية.... لأن مثل ما قلت لج ما فيه تعمق وايد باللغة في تخصصنا .. بس بخبرج شغلة: فيه بنات ترجمة ..ما يعرفون يقولون جملتين على بعض بالأنجلش ..وهم بعد اللغويات..والسبب....!! السبب: انه اللغة تعتمد عليج بشكل أساسي..يعني لا تعتمدين بس على المساقات..لازم أنتي تجتهدين وأطورين لغتج خارج نطاق المساقات... للأمانه تقدرين تتخرجين من الترجمة أو اللغويات بامتياز ومع ذلك لغتج مو ذاك الزود... يعني لازم أنتي أطورين نفسج وتشتغلين على لغتج أكثر.. وتكون مثل ما تبينها... وتبين الصراحه أكثر: كل تخصصات الجامعة يمشي عليها هالشي... يعني الدراسة بروحها أبدا ما تخليج بروفشنال في أي مجال... لازم أنتي تسعييييين ... وأطبقين اللي تدرسينه .. وتزيدينه ... السؤال الرابع: بالنسبة للمقابلة .. أمممممم.. أنتي وحظج ^^ .. يعني يعتمد..إذا فيه وايد بنات مقدمات طلب للتخصص ممكن يحطون لج مقابلة خصوصا إذا كان معدلج تحت الــ 3... أما في حال كان معدلج فوق الــ 3 .. فنسبة كبيرررة إن شاء الله يقبلونج سيده بدون مقابلة..بس أهم شي أكتبي عدل بالطلب مال التخصص... بس المقابلة مثلها مثل باقي التخصصات..يعني بسيطة خليج مرتاحة وتكلمي بهدوء.. وايد بنات سوو لهم مقابلة وعادي قبلوهم .. يعني لاتخوفج المقابلة أبدا.. . . إن شاء الله أكون وفقت في الإجابة على أسئلتج.. والعفووو... وأي سؤال ثاني بعد لا تترددين ^^ .. |
|
|
|
|
|
Roooo7 ..
تسلمييييين..ويعطيج العافية على المعلومات عن د. إيفان... وبالعكس يوم يطول الرد يعني يكون فيه فايدة أكثر... شكرا جزيلا ^^ .. |
|
|
|
|
|
طالب نشيط
|
يزاج الله ألف خير يا أختي Hell No..
والله ماقصرتي وأستفدت من ردج.. وفعلاً مثل ماقلتي التخصص وحده مب كافي أنه يحسنج في المجال اللي أدرسينه.. 100% وأكيد لازم ندرس ونقرآ بروحنا.. لكن شو تقصدين بـ "بس أهم شي أكتبي عدل بالطلب مال التخصص.."؟ المفروض هالكورس إن شاءالله أقدم على التخصص.. لكن مافهمت شو تقصدين برسالة طلب التخصص..؟ يوم أسير أقدم ع التخصص.. لازم أكتب رسالة وإلخ..؟ ولاكيف..! وهل كل التخصصات لازم أقدملها طلب..؟ وعندي سؤال بخصوص التدريب.. يكون كورس كامل سواء كان في التيسول أو العام؟ ولا أقل عن كورس..! والسموحه لو كثرت بالأسئلة =/ ويزاج الله ألف خير |
|
هيه.. أي تخصص تبينه لازم تعبين طلب له...
روحي الإرشاد وهم بيعطونج إياه .. وعبيه وبعدين رديه لهم... وبعدها كل يوم والثاني روحي أسألي إذا قبلوج..او ممكن يطرشون لج إيميل... انا ما طرشوا لي إيميل.. بس كنت كل كمن يوم أرتز عندهم عشان أطمن... والطلب ما يباله... يعني تكتبين أسمج والآي دي..والمعدل.. يعني بياناتج... بس الترجمة والتيسول وأظني الأدب الإنجليزي رح يطلبون منج تكتبين فقرة عن "ليش تبين هالتخصص؟" ..طبعا الطلب تقدرين تاخذينه وياج البيت وتعبينه على راحتج وتكتبين البراقراف على روااااق.. وتصلحين الأخطاء سواء في الإملاء آو أفكارج.. طبعا تكتبين بالأنجلش.. مو لازم تكونين بيرفكت..بس لازم تبينين انه أتني فعلا حابه التخصص... يعني لو مثلا قلتي تيسول.. تقدرين تقولين حلم حياتي أكون معلمة..عشان جذيه سجلت التخصص ^^ .. <<< أنا جيه كتبت + شوية زيادات مني ومناك...بس أنا فعلا أحب مهنة التدريس وبشدة ^^ .. وبس .. وقدمي على التخصص بأسرع وقت..عشان تعرفين شو تسجلين مساقات الفصل اللي بعده وما تتوهقين نفس بعض البنات .. بالنسبة للتدريب: هيييييه... التدريب فصل كااامل.. ولازم تكونين خلصتي كل المساقات..يعني غير مسموح تاخذين ولا مساق ويا التدريب... مثل ما قلت للأخت عذبه قبلج... لازم ترتبين مساقاتج بحيث فصل التخرج ما يكون عندج مساقات... او ممكن لو باقي لج مساق واحد وتدريبج فصل ثاني..يمكن تقدرين تاخذينه الصيفي اللي بعد التدريب... الخلاصة: التدريب فصل + غير مسموح تاخذين مساقات وياه.. ع العموم..إذا سجلتي في تخصصنا... رح أخبرج شو المساقات اللي تاخذينها أول .. وبساعدج إذا بغيتي في ترتيب جدولج كل فصل.. إن شاء الله.. <<< إذا تميت في الملتقى ^^ . . وأي سؤال بعد يخطر في بالج أسئليييييه ^^ .. |
|
|
|
|
|
طالب نشيط
|
والله ماقصرتي.. ماقول غير يزاج الله ألف خير.. << أستحت تسأل زياده *_*
ومباركن عيدج =) |
|
Swan + البنات اللي يسألون عن تدريب اللغويات العامة ..
هالاسبوع سألت ربيعاتي في اللغويات العامة وووين تدريبهم بيكون .. قالوا لي : ما عندهم تدريب أصلا ^^ .. بس إذا خذتوا التطبيقات المحورية مالت اللغويات العامة ..بيكون شي تدريب.. يعني يعتمد على التطبيقات المحورية اللي بتختارونها .. إذا كان فيها تدريب ولا لأ... والتطبيقات المحورية للي ما يعرفونها .. مسويه موضوع عنها ... رابط الموضوع: http://multqa.ae/forum/showthread.php?t=63320 . . وهنيه ردي على وحده في موضوع التطبيقات المحورية: التطبيقات اللي أحد مساقاتها مكتوب فيها .. Practicum أو Training هذا يعني فيه تدريب خاص فيها .. . . . وبالنسبة للأسهل.. <<< أدري ما سألتي ^^ .. وايد بنات يمدحون التطبيقات المحورية مالت التاريخ أو الخدمة الاجتماعية .. يقولون سهلة.. بس مو بالضرورة تكون مفيدة أو ممتعة .. . . . وإذا على اللغويات التطبيقية "تخصصج" ... ترى مواد التطبيقات المحوريه مالتها أهم من مواد التخصص.. يعني بتستفيدين وبطورج خصوصا إذا كنتي ناوية إن شاء الله تكونين معلمة .. . . Good luck all ^^
التعديل الأخير تم بواسطة Hell No ; 23-09-2010 الساعة 12:45 PM.
|
|
|
|
|
|
طالب مستجد
|
انا بتخصص تيسول ان شاء الله و هالكورس ماخذه intro. to linguistics عند تومي بما اني مستجده مب عارفه عن شو يتكلم المساق بالضبط و ابغي الاسايمنت و الكويزات مال تومي لاني احس اني مب فاهمه شي عنده وابا اتدرب اول باول،،هو وايد اوكي و مب مقصر ويانا بس يمكن لان لغتي مب لهناك،،
و مشكوره وااايد افدتيني الصراحه و خلتيني اعرف عن التخصص اكثر و احبه اكثر ^^ |
|
الجنة مناي ..
العفووو ^^ .. واليوم إن شاء الله بحمل لج الملفات .. . . بنات اللغويات العامة اللي يسألن عن الدكتور عبد الله .. بالنسبة للأسلوبة .. بالعكس أنا أشوفه حلو ويخلينا مصحصحين على طول الوقت.. بعدين هو ما قال اكتبوا الكلام اللي أقوله.. قالكم اكتبوا اللي يعرضه على البوبوينت..ويعطينا وقت كاااافي انه نكتب كل اللي ع اللوح.. <<< لاني بطئية في الكتابه ومع ذلك اللحق.. وبالنسبة لمساق الصوتيات "phonetics" : المساق ممتع وايد..أنتي بس في البدايه بتحسين انج ما تدرين وين ربي حاطج..بس عقب ما تتعودين على أسلوب د. عبد الله بصير الموضوع سهالاااات.. يعني اكتبي الملاحظات وأدرسي منها .. ما رح اييب لج سؤال خارجي مووول.. كله من النوت اللي كتبتوها... يعني حاولي ما تغيبين ... وإذا غبتي .. تأكدي انه فيه حد ثقة رح يكتب لج الملاحظات.. عشان تنقلين منها.. وبالنسبة للكويزات: الأسئلة منوووعة... اختياري .. فراغات.. تعريفات .. مقالي .. الخ.. كلها في امتحان واحد.. يعني الامتحان بيكون ممتع جدا ومنوع ... بس لازم تكتبين نفس اللي عطانا ..يعني أحفظي عدل.. .... وعلى فكره بعدين .."يعني بعد الميد تيرم"..بتبدون في الــ vowels ... وهي الأصعب من الــ consonants ... بعدين بتكتشفون إن الــ consonants .. سهله جدا... لان بعدين بتشوفون إن التعريفات كلها مكررة مع اختلاف بسيط من حرف لحرف.. والدكتور يشرح حبه حبه..يعني حتى الخبلة بتفهم وياه ... <<< ما لقيت غير كلمة "خبلة" خخخخ .. يعني التشويش اللي تمرون فيه الحين واايد طبيعي لاني كنت شراتكم ... بس بعدين بيكون وناااسة صدق.. وخصوصا في الامتحان الشفوي... الامتحان الشفوي بيكون بعد الميدتيرم بفتره بيكون في الــ vowels ... يعني كيف تنطقونها كلها... طبعا في النهاية بيكون عندكم تقريبا 25 نطق للــ vowels ... وبالنسبة لملاحظات الصوتيات.. أنا محملتنها في الموضوع نفسه.. شوفوها بتساعدكم واااايد... . . وأي سؤال ثاني أطرحوه هنيه وإن شاء الله نقدر نساعدكم ^^... |
|
|
|
|
|
| أدوات الموضوع | |
| انواع عرض الموضوع | |
|
|
 |
العرض العادي
